Атырау облысы Индер аудандық полиция бөліміне ерекше қонақ келді. Жасы небәры төртке толған Санжардың арманы полицей ағаларының жұмысын көзімен көру, – деп хабарлайды Polisia.kz.
Индер ауданының орталығы Индербор кентінің кішкентай тұрғыны Сарсенбай Санжар Равилұлы «Айналайын» балабақшасының тәрбиеленушісі. Балабақшада «Мен өскенде кім боламын» жобасына қатысып, полиция бөліміне келіп, көзімен көргісі келетін айтқан.
Небары төрт жаста болсада, биіктерге қол созған Санжардың арманы өзінің қатарластарының қасында тым бөлек. Ол өскенде бізге көмектесетін полицей ағалардай боламын дейді.
– Мен өскенде полиция болғым келеді. Олар тәртібі нашар адамдарды ұстап алып, тыныштығымызды күзетеді, – деген кішкентай балақайдың қиын да қауіпті салада еңбек етуге құлшынысы зор.
Санжарды жетектеп бөлімге әкелген ағасының айтуынша, ол өте бірбеткей, айтқанынан қайтпайтын, қайсар бала екен. Сондықтан да полиция қызметкері болғысы келетін болар, өмірде жолы ашық болсын! – деп ағалық жүрегімен сенім білдірді.
Санжардың отбасында үш ұл, бір қыз өсіп келеді. Әкесі – жеке кәсіпкер болса, анасы – ақ халатты дәрігер .
Бізде, өз кезегімізде, өмірге деген құлшынысы осы кезден тым биіктен бастау алған кішкентай Санжарға, арман-мақсаттарың орындалсын деп тілек тілейміз! Адамның болашақтағы өміріне қанат бітіретін – арман.
Армандарың орындалсын, Санжар!
