Шу ауданында полицейлер үш күнде 170-тен астам әкімшілік құқық бұзушылықты анықтады, – деп хабарлайды Polisia.kz.
Шу ауданының полиция бөлімі қызметкерлерімен құқық бұзушылықтың алдын алу және қоғамдық тәртіпті қамтамасыз ету мақсатында аудан аумағында рейдтік іс-шаралар өткізілді.
Негізгі міндеттер тиісті құқықтық тәртіпті сақтау, көшелерде және басқа да қоғамдық орындарда қылмыстың алдын алу, жолын кесу, сондай-ақ жол қозғалысы қауіпсіздігін қамтамасыз ету болды.
Өткізілген рейдтік іс-шаралардың үш күнінде 173 әкімшілік құқық бұзушылық анықталды. Мәселен, тіркеусіз немесе жеке басын куәландыратын құжаттарсыз тұрудың – 12 дерегі, қоғамдық орындарда спирттік ішімдіктер ішудің – 11 дерегі, сондай-ақ түнгі уақытта 10 кәмелетке толмаған баланың заңды өкілдерінің еріп жүруінсіз ойын-сауық мекемелерінде немесе тұрғын үйден тыс жерде болу длерегі. Ішкі істер органдарында әртүрлі есепте тұрған 100-ден астам адам тексерілді.
Жол қозғалысы қауіпсіздігі желісі бойынша жаяу жүргіншілердің қозғалыс ережелерін бұзуының – сегіз, көлікті мас күйінде басқарудың – бір дерегі, қарама-қарсы қозғалыс жолағына шығудың үш дерегі анықталды. Сондай-ақ тағы 22 жүргізуші сыртқы жарық құралдарын пайдалану ережелерін бұзып, көлік құралдарын басқару құқығы жоқ 33 адам көлік басқарған, 20 жүргізуші көлік құралын басқару кезінде қауіпсіздік белбеуін пайдаланбаған. Сонымен қатар 12 жүргізушінің жол белгілері немесе жолдың жүріс бөлігіндегі белгілер көрсеткен талаптарды сақтамау дерегі анықталды.
