Шымкентте мереке күндері полиция алты мыңнан астам қоңырау қабылдады, – деп хабарлайды Polisia.kz.
2021 жылдың 15-21 наурыз аралығында Шымкент қаласы Полиция департаменті Жедел басқару орталығының “102” арнасына түрлі сипаттағы 6239 қоңырау келіп түсті.
Оның 2592-і тіркеуге алынып, қазіргі таңда тергеу амалдары жүргізілуде. Бір апта ішінде бейнебақылау камераларының көмегімен жеті қылмыс ашылды.
Айта кетейік, бейнебақылау камералары арқылы қоғамдық тәртіпті және жол қауіпсіздігін қадағалайды. Сондай-ақ, құқық бұзушылықтардың алдын алуға және қылмысты ізін суытпай ашуға үлкен көмек көрсетеді. Нөлдік төзімділік қағидаты және әкімшілік құқық бұзушылықтар бойынша 912 хаттама толтырылған: ҚР ӘҚБтК-нің 434-бабы бойынша (Қоғамдық орындарда қоқыс тастау) – 17 жайт, ҚР ӘҚБтК-нің 440-бабы бойынша (Қоғамдық орындарда мас күйінде болу) – 26, ҚР ӘҚБтК-нің 449-бабы бойынша (Қоғамдық орындарда қайыршылық жасау) – 24, жол қозғалысы ережелерін бұзу 700 және өзге де 145 құқық бұзушылық.
