Шымкентте үздік полицейлер марапатталды, – деп хабарлайды Polisia.kz.
Шымкент қаласы Полиция департаменті ғимаратының алдында 23 маусым – Қазақстан Республикасының Полициясы күніне орай салтанатты іс-шара өтті.
– Еліміздің қорғандары – полиция қызметкерлерінің еңбектеріне табыс, қызметтеріне сәттілік пен абырой тілеймін. Қазақстан Республикасының өркендеуі жолында табысты қызмет ете берулеріңізге тілектеспін. Халқымыздың амандығын сақтау мен Отанымыздың өркендеуіне қосып жатқан үлестеріңіз аз емес, еңбектеріңіз әрқашан жемісті де табысты болғай, – деді департамент бастығы Ералы Жумаханбетов:
Департамент бастығы қызмет бабында қайтыс болған қызметкерлердің отбасы мүшелеріне арнайы құрмет көрсетті. Монументке гүл шоқтары қойылып, қызметтік міндеттерін атқару кезінде қаза тапқандардың рухын үнсіздікпен еске алды.
Салтанатты жиын барысында Қазақстан Республикасы Ішкі істер министрінің бұйрығымен 27 полиция қызметкері марапатталды. Оның ішінде: екі қызметкерге кезектен тыс арнайы шені, бір қызметкерге атқарып отырған штаттық лауазымынан бір саты жоғары арнайы шені, бір қызметкер «Құқық тәртібін қамтамасыз етуге қосқан үлесі үшін» медалімен, алты қызметкер II-дәрежелі «ІІО-ның үздік қызметі үшін» төс белгісімен, бір қызметкерге «Құрмет грамотасы», екі қызметкерге грамота, төрт қызметкерге алғыс хат, екі қызметкерге алғыс жарияланды.
Сондай-ақ Қазақстан Республикасы Ішкі істер министрінің бұйрығымен сегіз әкімшілік мемлекеттік қызметкер марапатталды: үш қызметкерге грамота, екі қызметкерге алғыс хат, үш қызметкерге алғыс жарияланды.
Сонымен қатар Шымкент қаласы Полиция департаментінің бастығы Ералы Жумаханбетовтің бұйрығымен 373 қызметкер: 31 қызметкер грамота, 35 қызметкер алғыс хат, 23 қызметкерге алғыс жарияланды. 19 қызметкердің тәртіптік жазасы мерзімінен бұрын алынып, 265 қызметкер қаржылай марапатталды.
Шымкент қаласының әкімі Мұрат Әйтеновтің шешімімен үш полиция қызметкеріне алғыс хат табысталды.
