Бірнеше велосипед ұрлаған тараздық қолға түсті, – деп хабарлайды Polisia.kz.
Жамбылдық полицейлер облыс орталығында велосипед ұрлаған күдіктіні ұстады. Ол 28 жастағы тараздық болып шықты.
Тергеу барысында ұрының күндізгі уақытта көпқабатты тұрғын үйлердің кіреберістерінен велосипедтерді қараусыз қалдырғанын пайдаланып, ұрлық жасағаны анықталды.
Аталған дерекке қатысты Қазақстан Республикасы Қылмыстық кодексінің 188-бабы (Ұрлық) бойынша сотқа дейінгі тергеу амалдары басталды. Күдікті уақытша ұстау изоляторына қамаққа алынды.
Оның басқа да ұрлықтарға қатысы бар-жоғы тексерілуде.
