ШҚО-да пробация қызметкерлері "Тәуелсіздік түндігі - Нұр-Сұлтан" тақырыбында Астана күніне арналған көркемсөз оқу байқауын өткізді, - деп хабарлайды Polisia.kz.
Семей қаласы Әуезов ауданының пробация қызметінде қазіргі уақытта 170-ке жуық сотталған есепте тұр, оның 20-ға жуығы әйелдер.
Негізінен олар ұялы телефондарды ұрлау, тонау, алаяқтық бойынша есепте тұр. Есепке тұрған сотталушылар арасында пробация қызметі инспекторларымен "Тәуелсіздік түндігі - Нұр-Сұлтан" тақырыбында Астана күніне арналған көркемсөз оқу байқауы өткізілді. Бұл байқаудың басты мақсаты - сотталушылардың туған жерге арналған өлеңдерін мәнерлеп оқу, Елорданың нышанымен, Қазақстан Республикасы Президентінің "Астананы көшіру туралы" Жарлығымен, оның мәртебесі туралы Қазақстан Республикасының Заңымен, қазіргі заманғы келбеті мен жетістіктерімен таныстыру, сондай-ақ Нұр-Сұлтанның жетістіктері сотталушылардың бойында патриоттық сезімді, елге және адамдарға деген құрмет сезімін ояту, сүйіспеншілікті нығайту және Қазақстанның жетістіктеріне деген мақтаныш сезімін қалыптастыру. Олар өз композициясы бойынша, кейбірі - парақтан, біреуі - есте сақталған өлеңдерін мәнерлеп оқыды.
- Сотталушылардың туған жерге арналған өлеңдерін мәнерлеп оқуы - пробация қызметі жоспарлаған, Елорда күніне орайластырылған көптеген тәрбиелік шаралардың бірі, - деді Семей қаласы Әуезов ауданық ПҚ бастығының орынбасары Эрик Усербаев.
