Алматы полициясының бастығы апта сайын жеке қабылдау өткізеді, – деп хабарлайды Polisia.kz.
Алматы қалалық Полиция департаменті бастығының регламентіндегі негізгі қызметтер азаматтарды қабылдауға, олардың өтініштерін қарауға, бұйрықтардың орындалуы бойынша жұмыс нәтижелерін тыңдауға жүктелген.
– Мұндай талаптар бізге бүгін “Естуші мемлекет” және “Полиция жақын маңда” қағидаларымен қойылады. Өздеріңіз білетіндей, мен апта сайын азаматтарды жеке қабылдауды өткіземін. Дәл осындай жиілікпен мен қызмет көрсету және басқа мәселелер бойынша жеке құрамды қабылдаймын. Айтпақшы, бұл ПД қызметтері мен бөлімдерінің қызметкерлерімен қарым-қатынастың өте жақсы түрі. Көбінесе олар біздің жұмысымыздың сапасын жақсарту үшін ақылға қонымды ұсыныстар жасайды, олар тәжірибеде сәтті қолданылады. Сонымен қатар азаматтарды қабылдау тәртібі менің ерекше бақылауымда екенін атап өткен жөн. Бұған дейін біз ПД базасында тек осы функцияға бағытталған арнайы бөлімшенің құрылуы туралы хабарлаған болатынбыз. Біз ешкімді естімей қалмауымызды, өтініш берушілер уақтылы және білікті жауап алуын қадағалаймыз, осылайша әр мәселені шешу жолдары табылады, – деді Алматы қалалық Полиция департаментінің бастығы Қанат Таймерденов.
