Теміртаулықтың атынан 4,2 млн теңге несие рәсімдеген алаяқ анықталды, – деп хабарлайды Polisia.kz.
14 қыркүйекте 22 жастағы қала тұрғыны Қарағанды облысы Теміртау қаласының ПБ Шығыс полиция бөліміне хабарласқан. Жәбірленуші қыз алаяқ болып шыққан жас жігітті кездестіргенін айтты. Жәбірленушінің сенгіштігін пайдаланып, ол өзінің мүддесі үшін қыздың жеке деректері арқылы несие алған.
Күдікті жеті банктен 3 миллион 500 мың теңгеге несие және 18 микроқаржы ұйымдарынан 731 мың теңгеге ақша алған. Жалпы шығын көлемі 4 млн 231 мың теңгені құрады. Аталған факті бойынша ҚР ҚК 190-бабы (Алаяқтық) бойынша қылмыстық іс қозғалды.
19 қыркүйекте жедел-іздестіру іс-шаралары барысында криминалдық полиция қызметкерлері күдікті – Қарағанды қаласының 26 жастағы тұрғынын анықтап, ұстады. Ол қылмысын мойындады. Қазіргі уақытта тергеу жүріп жатыр.
