Сәтбаев қаласында ақша салынған сөмке ұрлаған ер адам ұсталды, – деп хабарлайды Polisia.kz.
14 қыркүйекте 55 жастағы қала тұрғыны Қарағанды облысы Сәтбаев қаласының полиция бөліміне хабарласқан. Жәбірленуші әйел белгісіз біреудің 40 мың теңге ақшасы бар сөмкені ұрлап кеткенін айтты.
Анықталғандай, жәбірленуші дүкендердің бірінде болған және тауарды таңдай отырып, сөмкесін жанына қойған. Белгілі бір қылмыскер осы жағдайды пайдаланып, сөмкені алып кетеді. Аталған факті бойынша ҚР ҚК 188-бабы (Ұрлық) бойынша қылмыстық іс қозғалды.
21 қыркүйекте жедел-іздестіру шаралары барысында криминалдық полиция қызметкерлері күдікті – 58 жастағы ер адамды анықтап, ұстады. Ол кінәсін мойындады. Қазіргі уақытта тергеу жүріп жатыр.
