Қарағанды облысында шойын люктерді ұрлаған ер адам анықталды, – деп хабарлайды Polisia.kz.
3 қыркүйекте Қарағанды облысы Абай ауданының ПБ-ның Топар полиция бөліміне бір кәсіпорыннан хабарлама түсті. Жақын маңдағы ауылдардың бірінде белгісіз біреу құны 30 мың теңге болатын шойын люкті ұрлап кеткен. Тергеу барысында полицейлер мұндай ұрлық бірінші рет емес екенін анықтады – тағы екі оқиға бірнеше күн бұрын болған. Және олардың барлығы ауылдың бір көшесінде орын алғаны белгілі болды.
Ұрының әрекетінен келтірілген жалпы шығын көлемі 90 мың теңгені құрады. ҚР ҚК 188-бабы (Ұрлық) бойынша қылмыстық іс қозғалды.
12 қазанда жедел-іздестіру шаралары барысында криминалдық полиция қызметкерлері күдікті – 38 жастағы ер адамды анықтап, ұстады. Ол ұрланған мүлікті металл сынықтарын қабылдау пунктіне тапсырғанын түсіндіріп, мойындады. Қазіргі уақытта тергеу жүріп жатыр.
