Шымкентте пәтерден құнды заттарды үптеп кеткен ер адам құрықталды, – деп хабарлайды Polisia.kz.
9 қарашада Абай АПБ кезекші бөліміне 20 жастағы қала тұрғыны арызданған. Ол белгісіз біреудің пәтерге кіріп, бағалы заттарды ұрлағанын айтып шағымданған. Оқиға орнына жедел-тергеу тобы келді. Тәртіп сақшылары ұрының сыртқы есікті кілтпен ашып кіргенін анықтады. Пәтерден 100 мың теңге тұратын Apple маркалы екі дана құлаққабын және құны 100 мың теңге тұратын Iphone 6 маркалы ұялы телефонын қолды қылған. Сонымен қатар ұры 350 000 теңге тұратын тонын алып кеткен.
Полицейлер ҚР Қылмыстық кодексінің 188-бабы (Ұрлық) бойынша қылмыстық іс қозғады.
Жедел-іздестіру іс шаралары барысында криминалдық полиция қызметкерлері күдікті 27 жастағы ер адамды анықтап, ұстады. Ол қылмысын мойындады. Айғақты заттар алынды. Қазіргі уақытта тергеу амалдары жүргізілуде.
