Павлодар облысының call-орталығына 130 қоңырау келіп түсті, – деп хабарлайды Polisia.kz.
Бірінші күні Павлодар облысы полиция департаментінің call-орталығына шетелдік көліктерді пайдалану мәселелері бойынша 130 қоңырау келіп түсті.
– Азаматтар Павлодар облысы полиция департаментінің call-орталығына хабарласып, Ресей Федерациясынан әкелінген автокөліктерді пайдалану және тіркеу бойынша өздерін қызықтырған сұрақтар мен кеңестер қоя алады. Сіз 8 (7182) 39-14-66 нөміріне қоңырау шалып, Ресей Федерациясынан әкелінген көлік құралдарын пайдалану және тіркеу туралы сұрақ қоя аласыз, сондай-ақ ІІМ-нің Ресей Федерациясында өз автокөлігіңізді тіркегенін тексере аласыз. Азаматтарға ыңғайлы болу үшін және шынайы ақпаратты жедел ұсыну үшін call-орталықтардың телефондары 10 қараша күні сағат 09:00-ден 23:00-ге дейін қоңырауларды қабылдайды, – деп хабарлады Павлодар облысы Полиция департаменті бастығының бірінші орынбасары Жасқайрат Қайыров.
Айта кетейік, қоңыраулар еліміздің басқа өңірлерінің тұрғындарынан да келіп түседі.
Мысалы, негізінен Ресей Федерациясындағы автокөліктерді есептен қалай шығаруға және құжаттарды қалай ресімдеуге болады, Қазақстан Республикасында тіркеуден шығарылған автокөлікпен қалай жүру керек деп сұрайды. Бірнеше жүргізушілер көрші Ресей Федерациясына баруға бола ма деп сұрады, керісінше, біреу автокөлік сатып алғысы келеді және пандемия кезінде қандай құжаттар қажет және оны қалай жасау керектігін түсіндіруді сұрады. Азаматтардан 20-ға жуық қоңырау келіп түсті, онда қоңырау шалушылар олардың автокөліктерін тексеруді сұрады, өйткені олардың көлігі тіркеуден шығарылғандар тізімінде жоқ па деп алаңдады.
