Жаңару күні Абай облысында сотталған азаматтар 80 көшет отырғызды, – деп хабарлайды Polisia.kz.
Абай облысы ҚАЖД-ға қарасты №20 мекеменің бас алаңында ағаш отырғызу бойынша жалпыұлттық акция басталған күні көшет отырғызу рәсімі өтті. Оған қауіпсіздік орташа мекемесінде жазасын өтеп жатқан 50-ден астам сотталған қатысты. Мекеме аумағында 80-ге жуық көшет отырғызылды.
– Наурызда ағаш отырғызу – әл-ауқаттың белгісі болып саналады. Сотталғандар салқын ауа райына қарамастан керемет дәстүрді қуана қолдады. Мекемедегі көгалдандыру мәселесі ең өзекті тақырыптардың бірі. Қазірдің өзінде Грибовскийдің әйгілі аллеясы бар. Жазасын өтеушілерге ыңғайлы болу үшін бір күн бұрын топырақты дайындап, жерді қазып, отырғызатын көшеттерді сатып алдық. Мекеме әкімшілігі отырғызу үшін 20-ға жуық үйеңкі, 30 шырша, 20 алма және 10 тал көшеттерін бөлді. Мекеме қызметкерлері де игі шарадан тыс қалмай, осы үлкен іске белсене атсалысты, – дейді Абай облысы ҚАЖД-ға қарасты №20 мекеме бастығының орынбасары Ерсін Ахметжанов.
