Алматы облысында қызмет бабында қайтыс болған қызметкердің құрметіне мемориалдық тақта ашылды, – деп хабарлайды Polisia.kz.
Алматы облысының Еңбекшіқазақ ауданында қызметтік міндетін атқару кезінде қаза тапқан қызметкерге мемориалдық тақтаның салтанатты ашылуы болып өтті.
– 2002 жылы полиция майоры Тұрғанжан Тұрдиев ерлікпен қаза тапты. Еңбекшіқазақ ауданы ІІБ-нің аға жедел уәкілі лауазымында бола тұра, тәуліктік кезекшілікте, ол жедел-тергеу тобының құрамында бұзақылық әрекеттер мен қарудан белгісіз ату фактісі бойынша шақыртуға шықты. Оқиға орнына барған ол екі әйелдің жансыз денелерін тапты. Үйді тінту кезінде майор Турдиев ұрыға тап болды. Қылмыскерді өз бетінше ұстау әрекетін жасағанда, ол оқ дене жарақатын алды. Ауыр жарақат алғанына қарамастан, Тұрғанжан ұрыны әріптестері келіп жеткенше соңына дейін ұстады. Өкінішке орай, алған жарақаты салдарынан мерт болды, – деді Еңбекшіқазақ полиция басқармасының бастығы Дәурен Құтпанов.
Ескерткіш қайтыс болған батыр дүниеге келген Ташкенсаз ауылының орта мектебінде ашылды.
– Тұрғанжан Тұрдиев 40 жасында ерлікпен қаза тапты. Ол қайтыс болғаннан кейін “Ерлігі үшін” медалімен марапатталды. Полиция майоры Тұрдиевтің ерлігі өскелең ұрпаққа үлгі, өйткені өмірдегі ант пен таңдаған жолға адалдық үлкен құрмет сезімін тудырады, – деп толықтырды Д. Құтпанов.
Қазақстан Республикасы тәуелсіздік алған жылдары қызметтік міндеттерін орындау кезінде 818 қызметкер қаза тауып, 4634-і жарақат алды. Олардың көпшілігі елге абыроймен қызмет етіп, азаматтарды қылмыстық қол сұғушылықтан қорғап, заңдылық пен тәртіпті қамтамасыз ету жолында өмірден жастай кетті.
