Алматы облысының құқық қорғау органдары мен кәсіпкерлері есірткі қылмысына қарсы күресте бірікті
Алматы облысы ПД есірткі қылмысына қарсы күрес департаментінің қызметкерлері прокуратура және кәсіпкерлік бөлімімен бірлесіп, өңірдегі көлік-логистикалық компаниялардың өкілдерімен кездесу ұйымдастырды, – деп хабарлайды Polisia.kz.
Тәртіп сақшылары мен бизнес өкілдерінің кездесуіндегі басты мақсат – есірткі қылмысына қарсы күресте кәсіпкерлер мен құқық қорғау органдарының өзара әрекеттесу стратегиясын әзірлеу.
Кездесуде кәсіпкерлерге есірткіге қарсы күресте белсенді рөл атқаратын ынтымақтастық туралы меморандумға қол қою ұсынылды. Меморандум аясында компаниялар күдікті жүктер туралы құқық қорғау органдарын хабардар етуге, заңсыз жүктерді анықтауда ынтымақтасуға және есірткі зертханаларын анықтауда қолдау көрсетуге міндеттенеді.
– Бұл тәсіл азаматтардың қауіпсіздігі мен әл-ауқатын қамтамасыз ету үшін ортақ мақсатқа жету үшін жеке бизнестің ресурстарын тиімді пайдалануға мүмкіндік береді, – деді ПД қылмыстық іздестіру басқармасының бөлім бастығы Жеңіс Жансеркенов.
