Алматыда жыл басынан бері қамау орындарынан оралған адамдар жұмысқа орналастырылды, – деп хабарлайды Polisia.kz.
Учаскелік полиция инспекторларының негізгі қызметі есепте тұрған адамдардың құқық бұзушылықтарын жеке алдын-алу, қайталанатын қылмыстардың алдын-алу және бұрын жауапқа тартылған адамдармен алдын-алу жұмыстарын жүргізу болып табылады. Бүгінгі күні осы санаттағы 1 мың 222 адам профилактикалық есепте тұр.
– Қылмыстарды бұрын жасаған адамдар арасындағы қылмыстарды тұрақтандыру, сондай-ақ алдын алу шараларымен есепте тұрған адамдардың құқық бұзушылықтарының алдын алу мақсатында жыл басынан бері “Тұрмыс”, “Пробация”, “Есеп”,”Шартты” және т.б. жедел-алдын-алу іс-шаралары өткізілді, олардың негізгі міндеттері есептегі контингентінің немесе қылмыстық және әкімшілік құқық бұзушылық жасауға бейім адамдардың, сондай-ақ, ІІО-да есепте тұрған адамдардың тұрғылықты жерінде тексеру болып табылады. Қоғамнан оқшауланбай жазаға сотталған адамдар арасындағы қылмыстар мен басқа да құқық бұзушылықтардың алдын алу Алматы қаласы ДУИС пробация Қызметімен және біздің бөліммен бірлесіп жүзеге асырылады, – деді Алматы қалалық ПД Жергілікті Полиция қызметі басқармасының бастығы Манап Саттаров.
ІІО-мен пробация Қызметі және Алматы қаласының жұмыспен қамту орталықтары, әлеуметтік бағдарламалары арасындағы өзара іс-қимыл мәселелері бір-бірімен тығыз байланысты, мұнда профилактикалық есепте тұрған барлық сотталған адамдар жұмысқа жіберіледі.
– Алайда, қылмыс жасағандардың көпшілігі жалақының төмендігін және мамандықтары бойынша бос орындардың жоқтығын алға тартып, ұсынылған лауазымдардан бас тартады. Соған қарамастан, ағымдағы жылдың басынан бері 3 мың 592 адамға әлеуметтік көмек көрсетілді. Атап айтқанда, бұрын қылмыстық жауапкершілікке тартылған 41 адам жұмыс табуға көмек сұрады. Олардың барлығы өз мамандықтары бойынша жұмысқа орналастырылды, ақысыз медициналық көмектің кепілдендірілген көлемі шеңберінде 623 адамға емдеу, 2 мың 765 адамға психологиялық қолдау, білім беру – 1, басқа көмек – 190 көрсетілді. Есепке алынатындардың негізгі санатына бас бостандығынан айыру орындарынан және жазасын өтеп жатқан адамдардан мерзімінен бұрын шартты түрде босатылғандар жатады, – деді полковник Саттаров.
Спикердің айтуынша, алкогольдік ішімдіктерді және медициналық емес есірткі заттарды қолдануды асыра пайдаланатындар ең қылмысты және алдын-алуы қиын адамдар. Алкогольдік және нашақорлық жағдайында жасалған қылмыстардың көп бөлігі осы санаттағы адамдармен жасалады.
