Ақмола облысында НҚП қызметкерінің жарақат алу фактісі бойынша тергеу жүргізілуде, – деп хабарлайды Polisia.kz.
21 қыркүйекте Ақмола облысы Зеренді ауданының “Зеренді астық қабылдау кәсіпорны” ЖШС-да өндірістік жұмыстар кезінде кәсіпорынның 54 жастағы қызметкері жарақат алды. Таңғы сағат 04:00-де жәбірленуші аудандық ауруханаға “кеуде омыртқасының сынуы, ЖБМЖ” диагнозымен жеткізілді.
Тергеу бөлімі ҚР ҚК 156-бабының 1-бөлігі (Еңбек қауіпсіздігі ережелерін бұзу) бойынша сотқа дейінгі тергеуді бастады, сот-медициналық сараптама тағайындалды.
Тергеу барысында нақты себептер, сондай-ақ іс-әрекеті немесе әрекетсіздігі қайғылы жағдайға әкелген барлық қатысы бар адамдар анықталады.
