Ақмолалықтар полицейлерге құқықтық тәртіпті сақтауға көмектесуде, – деп хабарлайды Polisia.kz.
Азаматтар мен полицияның өзара іс-қимылы оң нәтиже береді. Тек бес айдың ішінде Ақмола облысының тұрғындары полиция қызметкерлеріне 50-ден астам қылмысты ашуға және 358 әкімшілік құқық бұзушылықты анықтауға көмектесті.
Полицейлерге көмек көрсеткені үшін ақшалай көтермелеу төленеді, жыл басынан бері ақмолалықтарды бір миллион теңгеден астам сомаға ынталандырды. Негізінен қоғамдық құрылымдардың мүшелері қоғамдық тәртіпті сақтауға қатысады, полицияның кешенді күштері құрамында елді мекендерді патрульдеуге қатысады. Полицейлермен қатар олар заңдылықты және азаматтардың мүдделерін қорғап, полиция қызметкерлеріне қылмыстарды ашуға көмектеседі.
Қоғам өкілдері түрлі жедел-профилактикалық іс-шаралар мен рейдтік іс-шараларды өткізу кезінде белсенді қатысады, пәтерлерді аралайды, тұрғындармен әңгімелеседі.
Азаматтардың көмегінің көрнекі мысалдарының бірі – Степногорск қаласының тұрғыны Алимбаев Ардактың қырағылығы, ол ағымдағы жылдың 28 мамырында үйдің кіре берісінде барлық қара киім киген, қолында қолғап пен “жалған” кілт жиынтығы бар үш күдікті ер адаммен бетпе-бет келіп қалды.
Степногорск қалалық ПБ криминалдық полиция бөлімінің қызметкеріне телефон арқылы күдіктілер туралы хабарлап, Ардақ қаскүнемдердің әрекеттерін видеоға түсіруге әрекеттенді.
Ал жедел уәкіл келіп түскен хабарламаға дереу келген кезде, қылмыскерлер пәтерлердің бірінде алтын ұрлап, жасырынуға асықты. Полицейлер келгенге дейін Ардақ Алимбаев олардың артынан қуа жөнелді. Қылмыс орнына келген полицейлер қаскүнемді үйдің кіре берісінде ұстады.
Ақмола полицейлері тұрғындарға белсенді өмірлік ұстанымы мен көмегі үшін алғыс білдіреді.
