Ақтауда бейнебақылау камераларының көмегімен ЖҚЕ өрескел бұзушы анықталды, – деп хабарлайды Polisia.kz.
Бейнекамералар көлік қозғалысының барысын жедел қадағалап, «ізін суытпай» құқық бұзушылықтардың алдын алуға және анықтауға ықпал етеді. Осылайша, 18 қыркүйек Жедел басқару орталығының бейнебақылау камераларының көмегімен Mercedes-Benz автокөлігі жол қозғалысы ережелерін өрескел бұзғандығы анықталды.
ЖБО операторларының патрульдік полиция батальонының қызметкерлерімен бірлескен жұмысы нәтижесінде автокөлік 12 шағын аудан «Мечта» сауда орталығына қарама-қарсы жолда тоқтатылды.
22 жастағы жүргізушіге қатысты ҚР Әкімшілік кодексінің 601-бабының 1-бөлігі, 596-бабының 5-бөлігі, 593-бабының 2-бөлігі және 595-бабының 1-бөлігі бойынша әкімшілік хаттамалар толтырылып, автокөлік айыптұраққа жабылды.
