Ақтөбе облысында энергетикалық компанияның үш қызметкері жол апатынан зардап шекті, – деп хабарлайды Polisia.kz.
23 мамыр күні компания жұмысшылары электр желілерін жөндеу бойынша кезекті шақыртудан қайтып келе жатып, қатты жаңбырдан кейін жол апатына ұшыраған.
УАЗ-2206 автокөлігінің 32 жастағы жүргізушісі Қарабұтақ – Қостанай тас жолында Әйтеке би ауданының Теренсай ауылы маңында қарсы жолаққа шығып, рульдік басқаруды игере алмай, жол жиегіне аударылған.
ЖКО салдарынан УАЗ-2206 автокөлігінің жүргізушісі және екі жолаушы Әйтеке би ауданының орталық ауруханасына жатқызылды.
