Теміртау тұрғыны мейрамханадан азық-түлік пен ішімдік ұрлап кеткен, – деп хабарлайды Polisia.kz.
18 мамырда Шығыс полиция бөліміне Теміртау қаласының 29 жастағы тұрғыны жүгінді. Әйел адам қаладағы мейрамханалардың бірін басқарады. Өтінішінде 16 мамыр күні таңертең бұрынғы қызметкері мейрамхана қоймасынан 60 мың теңгеге азық-түлік пен спирттік ішімдіктерді алып кеткенін түсіндірді. Бұл уақытта мейрамхана әлі ашылмаған. Дәлел ретінде рестаратор қарама-қарсы орналасқан ғимарат периметр бойынша және ішінде орналасқан бақылау камераларының бейне жазбасын ұсынды.
25 жастағы күдікті 15 мамыр жексенбіде оның үйінде жиын өткізілгенін түсіндірді. Таңертең олардың ішімдіктері мен жеңіл тағамдары таусылды, сатып алуға ақшалары болмады. Қайдан алуға болады? Бұрын жұмыс істеген мейрамхана қоймасынан. Жұмыстан шыққан кезде кілттер жұмысшыда қалған.
Қарағанды облысындағы ауылдардың бірінде белгісіз біреулер қораны бөлшектеп, 100-ден астам шпал алып кеткен. 18 мамырда Теміртау қаласының 43 жастағы тұрғыны Топар полиция бөліміне осындай өтінішпен жүгінді. Бұл ауылда ер адамның үй құрылысы бар. Жазда отбасымен бірге демалып, бау-бақшамен айналысады. Мамыр айының басында, мереке күндері үйдің жағдайын тексеруге келді, бәрі жақсы болды. Келесі келгенінде ер адам қораның қирағанын көрді. Шығын 800 мың теңгені құрады.
Учаскелік полиция инспекторлары 34 жастағы ауыл тұрғынына назар аударды. Ер адам кенеттен қора құрылысын бастаған. Оның аумағында орналасқан шпалдардың саны бағдар бойынша ұрланғандар санына сәйкес келді. Құрылыс сол кезеңде басталды. Тәртіп сақшылары сатып алу ықтималдығын жоққа шығармады. Полицейлермен сөйлескен кезде ер адам сатушынының кім екенін сипаттай алмады, өз сөзінен шатаса бастады.
Тәртіп сақшыларын адастыру әрекеті сәтсіз болғанын түсініп, «құрылысшы» көршісінен ұрлағанын мойындады. Шпалдар иесіне қайтарылды және ғимаратты бұзғаны үшін залалды өтеуге уәде берді. Жәбірленушілердің арыздары бойынша тергеушілер ҚР ҚК-нің 188-бабы (Ұрлық) бойынша сотқа дейінгі тергеу жүргізуде. Тергеу әрекеттері аяқталғаннан кейін күдіктілер соттың алдына шығады, жасаған әрекеті үшін жаза тағайындалады.
