Ақтөбе полицейлері бұрын жасалған ұрлық қылмысының бетін ашты, – деп хабарлайды Polisia.kz.
Өткен жылдың соңында белгісіз адамдар А.Молдағұлова даңғылындағы үйдің ауласында тұрған КамАЗ автокөлігінен аккумуляторды сақтауға арналған металл қорапты бұзу арқылы екі аккумуляторды жасырын ұрлап әкеткен.
25 жастағы көлік құралының иесі келтірілген шығынды 160 мың теңгеге бағалады.
Полиция қызметкерлері жедел-іздестіру іс-шараларын жүргізу барысында Хромтау қаласының 30 жастағы тұрғынын анықтап, ұстады. Күдікті ұрланған батареяларды қабылдау пунктіне тапсырғанын түсіндірді.
Осы факті бойынша ҚР ҚК-нің 188-бабы (Ұрлық) бойынша сотқа дейінгі тергеп-тексеру жүргізіліп жатыр. Күдікті қамауға алынды.
