Ақтөбеде көлік құралдарын басқару құқығынан айырылған жүргізуші әйелді қағып кетті, – деп хабарлайды Polisia.kz.
4 тамызда шамамен сағат 14:00-де Lada-21902 автокөлігінің 35 жастағы жүргізушісі Байшев көшесімен “Император” көлік жуу орнына қарама-қарсы келе жатып 30-35 жас аралығындағы белгісіз бір әйелді қағып кетті, ол жолдың жүру бөлігін көлік құралының жүрісіне (жаяу жүргіншілер өткелінен тыс) оңнан солға қарай кесіп өтті.
Жол-көлік оқиғасы салдарынан жаяу жүргінші Ақтөбе қалалық жедел медициналық жәрдем ауруханасының жансақтау бөліміне жатқызылды.
Сондай-ақ 2019 жылы жүргізушінің мас күйінде көлік жүргізгені үшін көлік құралдарын басқару құқығынан айырылғаны анықталды.
Аталған факті бойынша ҚР ҚК 345-бабы 2-бөлігі (ҚР ЖҚЕ бұзу) бойынша сотқа дейінгі тергеу басталды.
– Жаяу жүргіншілер – жол қозғалысына қатысушылардың ең осал санаттарының бірі. Жүргізушілермен салыстырғанда олар физикалық тұрғыдан қорғалмаған және олардың қатысуымен болатын апаттар көбінесе қайғылы жағдаймен аяқталады – әдетте жаяу жүргінші ауыр жарақат алады, – деп атап өтті Ақтөбе облысы ПД бастығы Атығай Арыстанов. .
Жыл басынан бері облыс аумағында жаяу жүргіншілердің қатысуымен 90 ЖКО тіркелді, онда 10 адам қаза тауып, 82 адам жарақат алды.
Жаяу жүргіншілердің кінәсінен болған ЖКО-ның негізгі себептері көлік жүретін бөліктің белгіленбеген жерде, бағдаршамның тыйым салатын сигналына, жақын келе жатқан көліктің алдынан кесіп өтуі болып табылады. Мұндай бұзушылықтар жол мәдениеті мен жаяу жүргіншілердің тәртібінің төмендігінен орын алады.
Жыл басынан бері жол қозғалысы ережелерін бұзғаны үшін 6 800-ден астам жаяу жүргінші әкімшілік жауапкершілікке тартылды.
– Көлік құралдары жүргізушілерінің жаяу жүргіншілер өткелдерінен өту ережелерін сақтамауы жаяу жүргіншілердің жол қозғалысы ережелерін бұзуына жанама әсер етеді, жаяу жүргіншілердің жол қозғалысы ережелерін өмір мен денсаулықты қорғау құралы ретінде сақтаудың тиімсіздігі туралы пікірінің пайда болуына ықпал етеді. Сондықтан инспекторлар құрамы жол қозғалысын қадағалау кезінде жүргізушілер тарапынан осындай бұзушылықтардың жолын кесуге көп көңіл бөледі, – деп жалғастырды А.Арыстанов.
Жыл басынан бері облыста жаяу жүргіншілер өткелінен өту ережелерін бұзғаны үшін 2 300 мыңнан астам жүргізуші әкімшілік жауапкершілікке тартылды.
