Атырау облысында заңсыз қарумен аңшылыққа шыққан екі тұрғын ұсталды, – деп хабарлайды Polisia.kz.
10 ақпан күні сағат 04:00 шамасында Қызылқоға ауданы Сағыз ауылының маңында полицейлер Урал мотоциклінің 32 жастағы жүргізушісін тоқтатты. Тексеру барысында өзімен бірге еш жерде тіркелмеген бір ұңғылы аңшы қаруын, тоғыз дана оқ дәрі және бір дала қоянын заңсыз алып келе жатқандығы анықталды.
Күдіктілердің айтуынша, аталған аңшы қаруының ешқандай құжаттары жоқ екендігін біле тұра, аң аулауға шыққан.
32 және 25 жастағы Сағыз ауылының тұрғындарына қатысты ҚР ӘҚБтК-нің 382-бабы (Жануарлар дүниесiн пайдалану талаптарын және аң аулау қағидаларын бұзу) бойынша хаттама толтырылды. Тәркіленген қару бойынша тиісті сараптама тағайындалды.
