Павлодар полицейлері «Құқықтық тәртіп» іс-шарасы барысында 13 қылмыскерді ұстады, – деп хабарлайды Polisia.kz.
Күн сайын полиция қызметкерлері іздестірілудегі, хабар-ошарсыз жоғалған азаматтардың орналасқан жерін анықтау бойынша жедел-іздестіру іс-шараларын жүзеге асырады. Жедел алдын алу іс-шарасы барысында іздеуде жүрген 13 қылмыстық қылмыскер ұсталды.
Естеріңізге сала кетейік, «Құқықтық тәртіп» жедел алдын алу іс-шарасы 19 қаңтардан бастап өткізіледі.
– Мысалы, Павлодар қаласында жедел уәкілдер 2018 жылдан бастап Нижний Новгород облысында есірткі заттарын заңсыз қолданғаны үшін іздеуде жүрген Ресей Федерациясының Нижний Новгород қаласының 33 жастағы тұрғынын ұстады. Ал Успен ауданының Вознесенка ауылында 2017 жылдан бері ұрлық жасағаны үшін Ресей Федерациясының Алтай өлкесінің құқық қорғау органдарынан жасырынып жүрген 40 жастағы павлодарлық ұсталды, – деп хабарлады Павлодар облысы Полиция департаментінің бастығы Василий Скляр.
Полиция қызметкерлерінің осы кезеңде 4196 әкімшілік құқық бұзушылықты анықтағанын, оның ішінде 2086 азамат тіркеусіз немесе жеке басын куәландыратын құжаттарсыз өмір сүріп жатқанын атап өтті. Қоғамдық орындарда мас болған 1290 адамға тыйым салынған заттарды заңсыз сақтағаны, алып жүргені үшін 63 азамат жазаланды. Қабылдау-тарату орнына белгілі тұрғылықты жері жоқ 34 адам қамалды.
– Күнделікті ескертулер мен мас жүргізушінің қылмыскер екендігі туралы түсіндірулерге қарамастан, мұндай фактілер әлі де орын алуда. Жедел алдын алу іс-шарасы кезінде полиция мас күйінде көлік құралын жүргізгені үшін 82 жүргізушіні анықтады. Әрқайсысына қатысты әкімшілік ықпал ету шаралары қолданылды. Сот арқылы олар әкімшілік қамауға алынып, 7 жылға сотталды, – деді Василий Скляр.
Полиция облыс тұрғындары мен қонақтарын профилактикалық іс-шараны өткізуге түсіністікпен қарауды сұрайды. Егер сіз қандай да бір құқық бұзушылықты көрген болсаңыз, дереу 102 телефонына хабарлаңыз немесе «Police 102» мобильді қосымшасын пайдаланыңыз.
