Ақпараттық медиа-портал POLISIA.KZ

Іздеуде болған ағайынды 2 қыз көрші ауылдан табылды

Түлкібастық полицейлер жоғалған ағайынды 2 қызды көрші ауылдан тапты,-деп хабарлайды Polisia.kz.
Түлкібас аудандық полиция бөлімшесіне жергілікті тұрғын, жалғызбасты ана арызданады. Ол өз арызында 13 және 11 жастағы қыздарының сағат күндізгі 12:30-дар шамасында сабаққа шығып кетіп, қайта оралмағынын көрсетті. Аталған жайт сотқа дейінгі тергеп-тексерудің бірыңғай тізіліміне енгізіліп, тіркелді.
Түлкібас аудандық полиция бөлімшесінің қызметкерлері тез арада іске кірісті. Көрген-білгендер куәгерлерден сұрастырды. Жақын аймақтарды мұқият қарап шықты. Қыздарды табу мақсатында қажетті деп танылған барлық іс-шараларды жүргізді. Жағдай адам өміріне оның ішінде кәмелет жасына толмаған 2 қызға қатысты болғандықтан полицейлер қарап қалмады, шұғыл әрекет етті. Жедел-іздестіру жұмыстарына мектеп мұғалімдері мен еріктілерде тартылды. Жан-жақты, күні-түні іздестіру жұмыстары нәтижесінде тәртіп сақшылары, кәмелет жасына толмаған қыздарды 25-30 шақырым қашықтықта орналасқан көрші ауылдың көшелерінің бірінде жүрген жерінен тауып, анасына аман-есен қайтарды. Тергеу барысында 13 және 11 жасар ағайынды қыздардың осыдан 1 жыл алдын көшіп келген ауылындағы үйлеріне жаяу жетіп, сондағы достарына барғаны, анасының азық-түлік ала кел деп берген қаржысын жаратып, ойын қуып жүргендері белгілі болды.
Өз кезегінде жалғызбасты ана полицейлерге шынайы ризашылығын білдірді.
Жұмыстарына табыс тілеп, «Сабақтан кейін келмегесін қыздарымды қатты уайымдап, полицейлерден көмек сұрадым. Ал, полицейлер оларды дін-аман күйінде тауып, әкелді. Рахмет. Ең бастысы аманшылық болсын!»-деп алғысын айтты.
Түркістан облысы полицейлері ата-аналарға ұл-қыздарыңызды үнемі бақылауда ұстап, араласатын ортасын жақсы білуге тырысыңыздар деп кеңес береді.Кәмелет жасына толмаған балаларыңызға бос жүрмеуді, кешкі уақытта көшеге, ойын-сауық орындарына ата- анасыз шықпауды ескертіп отыруға шақырады.
Сондай-ақ ұнауы мүмкін

Жауап қалдыру

Электрондық почтаңыз жария етілмейді.