Шымкентте карантин режиміне қатысты 900-ден аса құқық бұзушылық анықталды, - деп хабарлайды Polisia.kz.
Карантин режимін бұзу жайттарын анықтау мақсатында Шымкент қаласы Полиция департаментінің аудандық Полиция басқармаларының қызметкерлерімен және арнайы құрылған мобильді топпен ҚР ӘҚБтК-нің 425-бабы бойынша барлығы 910 құқық бұзушылық анықталды.
- Түнгі клубтар, кафелерде, ресторан, компьютерлік клубтар, букмекерлік конторалар – 179;
- Шаштараздарда, массаж салондарында, монша, сауна, әсімдік салондарда – 46;
- Той немесе басқа да жиын өткізгендер – 125;
- Дүкендерде, сауда үйлерде, базарларда– 260;
- Демалыс аймағы – екі;
- Басқа да орындарда – 296;
Онымен қоса 213 жеке тұлға көпшілік орында бетпердесіз жүргені анықталды.
Барлық іс-құжаттар Шымкент қаласы аумақтық тауарлар мен көрсетілетін қызметтердің сапасы мен қауіпсіздігін бақылау департаментіне жолданды.
