Көлік полицейлері "Таза Қазақстан" республикалық экологиялық акциясы аясында сенбілік өткізді, - деп хабарлайды Polisia.kz.
Астана қаласында "Таза Қазақстан" республикалық экологиялық акциясы шеңберінде көліктегі полиция департаментінің басшылығы мен жеке құрамы сенбілік жұмыстарына белсене қатысты.
Іс-шара барысында департаменттің аумағы және оған іргелес орналасқан Есенберлин мен Затаевич көшелерінің бойы тазартылып, абаттандыру жұмыстары жүргізілді. Сонымен қатар департамент аумағына көшеттер отырғызылып, оларды күтіп-баптау шаралары ұйымдастырылды.
Аталған акцияның негізгі мақсаты – экологиялық мәдениетті қалыптастыру, қала тазалығын сақтау және тұрғындарды қоршаған ортаны қорғауға үндеу.
Көліктегі полиция департаменті алдағы уақытта да экологиялық бастамаларға белсенді қатысып, табиғатты қорғау бағытындағы жұмыстарды жүйелі түрде жалғастыра бермек.
