Ақпараттық медиа-портал POLISIA.KZ
Қазақстан полициясына 30 жыл

Маңғыстауда ер адам 3 телефонды кеспе ішіне жасырып, тергеу изоляторына өткізбек болды

Маңғыстауда ер адам 3 телефонды кеспе ішіне жасырып, тергеу изоляторына өткізбек болды, – деп хабарлайды Polisia.kz

Үш телефонды Маңғыстау облысының тергеу изоляторына өткізбек болған ер адам ұсталды. Маңғыстау облысы бойынша Қылмыстық-атқару жүйесі департаментінің ГМ-172/10 мекемесінің қызметкерлері тез дайындалатын құрғақ кеспеден мобильді байланыс құралдарын тапты. Сіріңке қорабының өлшеміндей болған екі Samsung және бір Nokia телефоны сәлемдемелер арасынан табылды.


Ер адам оларды целлофан мен фольгаға орап, содан кейін роллтонға жасырған. Оның айтуынша, ол телефондарды өзінің сотталушы танысына бергісі келген. Енді оны 10 АЕК айыппұл немесе әкімшілік қамау жазасы күтіп тұр.

– Осы жылдың 7 айында ГМ-172/10 мекемесіне тыйым салынған заттарды өткізудің 7 әрекетінің алды алынды. Тексеру қызметкерлері 9 телефон мен 2 есірткі заттарын тапты. Сотпен 5 әкімшілік материалдар қаралды. Төрт жағдайда құқық бұзушыларға әрқайсысы 10 АЕК айыппұл салынды. Бір адамға ескерту берілді. 2 факті қылмыс ретінде анықталды, – деді Маңғыстау облысы ҚАЖД ГМ-172/10 мекемесі бастығының міндетін атқарушы Есболат Ағлепесұлы.

Сондай-ақ оқыңыздар

Жауап қалдыру