Шымкентте алаяқ тұрғынды жеті миллион теңгеге алдап кетті, – деп хабарлайды Polisia.kz.
2021 жылдың 26 мамырында Шымкент қаласы Полиция департаменті Әл-Фараби аудандық ПБ-ның “102” сымтетігіне қала тұрғыны арызданды. Ол өз арызында белгісіз адам мемлекеттен 120 млн теңге агросубцидия алып беремін деп, сеніміне кіріп, 7 204 000 теңге ақшасын алаяқтық жолмен алып, осы уақытқа дейін қайтармай қашып жүргенін көрсеткен.
Шымкент қаласы ПД Әл-Фараби аудандық ПБ Криминалдық полиция бөлімінің қызметкерлері жедел-іздестіру іс-шараларын жүргізу барысында жергілікті адамды анықтап, ұстады. Тексеру жұмыстары жүргізілуде.
