Ақтөбе облысында “Металл” жедел алдын-алу профилактикалық шарасының қорытындысы шығарылды, – деп хабарлайды Polisia.kz.
Ақтөбе облысы аумағында 20-23 шілде аралығында “Металл” жедел-алдын алу іс-шарасы өткізілді. Іс-шараның мақсаты асыл тастардың, түсті және қара металдардың, олардың сынықтарымен қалдықтарының заңсыз айналымына байланысты қылмыстарды ашуға және соған қатысты айналысатын адамдарды анықтауға бағытталған.
Мысалы, 6 сәуірде Бұлақ ауылындағы үйдің ауласынан 50 жастағы жергілікті тұрғынға тиесілі “Отау ТВ” -дан төрт метрлік кабельді жасырын түрде ұрлап кеткен. Күдікті ұсталды, кінәсін мойындады. Ер адамнан ешқайда кетпеу туралы қолхаты алынды.
“Металл” жедел алдын алу іс-шарасын өткізу кезеңінде 107 қара және түсті металдарды қабылдау пункті жұмыс істеді, осы санаттағы қылмыстар үшін бұрын сотталған 130 адам тексерілді. Қара және түсті металдардың бір фактісі тіркелді, сондай-ақ осы санаттағы бұрын жасалған4 қылмыс ашылып, бес адам ұсталды.
