Полиция қызметкерлері Орал тұрғынынан белгілі бір иісі бар сұр-жасыл түсті заттың 28 пакетін тауып, тәркіледі, – деп хабарлайды Polisia.kz.
Орал қаласының Жайық өзенінің маңындағы орман алқабында 26 жастағы азамат ұсталды. Оны тексеру кезінде сұр-жасыл түсті, ерекше иісі бар заты бар 28 целлофан «зип» пакеттері, сондай-ақ орман алқабында тексеру кезінде сұр-жасыл түсті, ерекше иісті заттары бар төрт полиэтилен пакет табылып, тәркіленді.
Тәркіленгендер сараптамаға жіберіліп, кептірілген марихуана екені анықталды.
Қазіргі уақытта ҚР ҚК-нің 296-бабы 2-бөлігі бойынша сотқа дейінгі тергеу амалдары жүргізіліп жатыр.
