Павлодар облысы ПД қызметкерлері зейнеткерлерге көмектесті, – деп хабарлайды Polisia.kz.
Жаңа жыл қарсаңында Тереңкөлдік полицейлер, Павлодар облысы полиция департаментінің ұйымдастыруымен бастау алған «20 игі іс» акциясы аясында жалғыз басты зейнеткерге көмек қолын созды.
Қалың түскен қар қарияларымыздың қозғалысына қиындық тудыратыны белгілі. Жер үйлердің маңайындағы барлық кіріп-шығатын жолдарды басып қалған қардан өз бетінше тазартуға қарттарымыздың қауқары жете бермейді. Сол себепті Тереңкөлдік полицейлер мұндай қамқорлықты өз мойындарына алып, күректерін сайлап, санаулы уақыт ішінде жалғыз тұрып жатқан зейнеткер қарттарды аралап, олардың үй- жайларының маңайында жиналып қалған қардан тазартып шықты. Оған қоса, сыйлық ретінде ала келген тəттілерін ұсынып, əжейлерді бір қуантып тастады. Қуанғанынан тіпті көз жасына ерік бергендер де болды. Өздеріне көрсетілген қамқорлық үшін жас буынға шексіз алғыс білдірді. Тереңкөл ауданы полиция бөлімінің қызметкерлері кезекті эстафетаны Ертіс ауданы полиция бөліміндегі əріптестеріне жолдады.
