Ертіс өңірінде патрульдік полиция қызметкерлерімен жеке қауіпсіздік бойынша оқу-жаттығулар өтті, - деп хабарлайды Polisia.kz.
Павлодар облысы полиция департаментінің арнайы және кәсіби даярлық басқармасының қызметкерлері Павлодар қаласы полиция басқармасының патрульдік полиция батальонының жеке құрамымен жеке қауіпсіздікті қамтамасыз ету шаралары бойынша оқу-жаттығу өткізді.
Жаттығу барысында құқық бұзушыларды ұстау кезіндегі іс-қимыл алгоритмдері пысықталып, қызмет барысында туындайтын түрлі жағдайларда тиімді әрекет етуге мүмкіндік беретін жауынгерлік тәсілдер жан-жақты қарастырылды.
Полиция қызметкері әрдайым жоғары дене дайындығында болып, кез келген жағдайға жедел әрекет етуі тиіс.
Мұндай сабақтардың басты мақсаты — төтенше және дағдарыстық жағдайларда қызметкерлердің сенімді әрі сауатты әрекет ету дағдыларын қалыптастыру.
Павлодар облысы ПД арнайы және кәсіби даярлық басқармасының бастығы Ерик Төлегеновтің айтуынша, қызметкерлердің даярлық деңгейін арттыру — олардың қауіпсіздігінің және қойылған міндеттерді табысты орындауының кепілі.
