Петропавл полицейлері аз қамтылған отбасыларға көмектесті, – деп хабарлайды Polisia.kz.
Алғыс айту күні қарсаңында Петропавл қаласы ПБ жергілікті полиция қызметінің бөлімі “қайырымдылық десантын” ұйымдастырды: облыстық аналар кеңесінің төрағасы Жұлдыз Саттарова және кәсіпкер Рамис Сәлімжановпен бірге олар аз қамтылған және көп балалы отбасылардың мекенжайларына барып шықты, тізімдерін қала әкімдігі ұсынған.
Көптеген отбасыларда 4-5 кәмелетке толмаған баладан бар. Бірінде – ерекше қыз тәрбиеленіп отыр. Диагнозына қарамастан, ол белсенді өмір салтын ұстанады, билейді және жарыстарда жүлделі орындарға ие. Тағы бір мекенжайда үш баланы тәрбиелеп отырған жалғызбасты әке тұрады. Погондардағы қайырымдылық жасаушылар барлығына азық-түлікпен көмектесті, балаларды тәтті сыйлықтармен қуантты. Қиын өмірлік жағдайға тап болған отбасыларға тағы не қажет екенін білу мақсатында әңгімелесу жүргізді.
Петропавл қаласы ПБ жергілікті полиция қызметі бөлімінің аға инспекторы Әсем Ілиясованың айтуынша, мұндай іс-шаралар аз қамтылған отбасылардың балаларында мерекелік көңіл-күй қалыптастыруға көмектеседі. Сонымен қатар олар полицияның халықпен жақындасуына ықпал етеді. Халықпен тікелей диалог – бұл жұмыстың сервистік моделі қағидаттарына негізделген полиция қызметіне заманауи көзқарастың қажетті құрамдас бөлігі.
