Петропавлда ҚАЖ қызметкерлері студенттермен кездесу ұйымдастырды, – деп хабарлайды Polisia.kz.
ҚР ІІМ ҚАЖК “ЕС-164/8 мекемесі” РММ кадр саясаты бөлімшесінің кәсіби қызметтік және дене шынықтыру дайындығы бойынша инспекторы Андрей Юнусов М. Қозыбаев атындағы СҚМУ заң факультетінің “Құқықтық пәндер және құқықтану” кафедрасының 3 және 4 курс студенттерімен кездесу өткізді.
Андрей Геннадьевич студенттер мен түлектерге қылмыстық-атқару жүйесі органдарына қызметке қабылдау туралы айтып, еліміздің күш құрылымдарында жұмыс істеудің бірқатар артықшылықтарын атап өтті.
Оның студенттермен әңгімесі өте қызықты болды, өйткені ол өзі осы университеттің “Құқықтық пәндер және Заңтану” кафедрасының түлегі. Өз үлгісінде ол қыздар мен жас жігіттерге қылмыстық-атқару жүйесі органдарында өз қызметін қалай бастағанын, бұл жұмыстың несімен қызықты екенін, осы бағытты таңдау кезінде нені ескеру керектігін айтып берді.
Студенттерді әртүрлі мәселелер қызықтырды: сотталғандарды ұстау мен олармен жұмыс істеу жағдайынан бастап, осы құрылымдағы жұмыстың қаншалықты қауіпсіз екендігіне дейін.
Андрей Юнусов барлық студенттерге сұрақтарға толық жауап берді, кездесу соңында жұмысқа қызығушылық танытқан студенттер онымен телефон нөмірлерін алмасты.
Тәжірибе көрсетіп отырғандай, мұндай кәсіптік бағдарлау кездесулері көбінесе ЖОО түлектерінің мансаптық жолы үшін “бастау” болып табылады.
