Полицейлер қарағандылықтардың арасында интернет-алаяқтықтың алдын алу шарасын жүргізуде, – деп хабарлайды Polisia.kz.
Қарағанды қаласының ПБ Теміржол полиция бөлімінің қызметкерлері халық арасында интернет-алаяқтықтың алдын алуы бойынша белсенді жұмыс жүргізуде. Олар “Қазақстан теміржолы” холдингінің Қарағанды бөлімшесінің ұжымымен кездесу өткізді. Іс-шараға осы кәсіпорынның 100-ге жуық қызметкерлері қатысты. Олардың алдында Теміржол ПБ бастығының орынбасары Ролан Ильдибаев сөз сөйледі.
– Цифрландыру және ақпараттық технологияларды дамыту ғасырында алаяқтар да жандана түсті. Банк карталарынан қаражат ұрлаудың ең көп таралған тәсілдері клиенттерді сендіру, алдау немесе қорқытудың психологиялық әдістеріне негізделген. Негізінен қауіпсіздік немесе қаржы мониторингі қызметінде жұмыс істейтін банк қызметкері болып өздерін таныстырады. Олар адамға күдікті әрекет туралы хабарлайды және банк қаражатты қорғау шараларын қабылдауы үшін карта деректерін жазуды ұсынады. Алаяқтар сондай-ақ оларды қорғау үшін ақшаны жеке шотқа онлайн түрінде де, банкоматтан да алып қоюға көндіреді, – деп атап өтті Р. Ильдибаев.
Ол сондай-ақ алаяқтар құралдарды жалған қорғау үшін арнайы бағдарламалық жасақтаманы орнатуды сұрайтынын ескертті. Оның көмегімен олар карта деректерін ұрлап, мақұлданған несиені рәсімдей алады, содан кейін қаражатты тыныш алып, оларды пайдалана алады, ал шоттар бойынша алаяқтарға алданған банк клиентіне төлеуге тура келеді.
– Үшінші тұлғаларға карта деректерін, соның ішінде төрт таңбалы PIN-кодты және артқы жағында көрсетілген үш таңбалы CVC – кодын хабарлаудың қажеті жоқ екенін білу маңызды. Алаяқтар қоңырау шалған кезде нақты банктік телефон номерлері көрсетілуі мүмкін екенін ескеру қажет. Олар өздерін банк, несие тарихының қызметкерлері деп таныстыруы мүмкін. Күдікті хаттардан сілтемелерді басудың және белгісіз мобильді бағдарламаларды жүктеудің қажеті жоқ. Күмәнді сайттардан тауар сатып алу үшін ақы төлеуден сақ болыңыз. Егер сіз және сіздің жақындарыңыз интернет-алаяқтардың құрбанына айналса, дереу бізге полицияға хабарласыңыз, – деп атап өтті Теміржол ПБ бастығының орынбасары.
Іс-шара барысында полиция қызметшілері еңбек ұжымының мүшелеріне тиісті мазмұндағы буклеттер таратып, азаматтарды қызықтырған сұрақтарға жауап берді.
