Приозерск полицейлері браконьерден 107 келі балық тәркіледі, – деп хабарлайды Polisia.kz.
26 сәуірде Қарағанды облысы Приозерск қаласының полиция бөлімінің қызметкерлері “Уылдырық шашу” жедел-профилактикалық іс-шарасы аясында рейд жүргізді.
Шамамен сағат 12.00-де қаланың Балқаш көлінің жағасына іргелес орамында, гараж массивтерінің бірінің аймағында айналма жол жасап келе жатқан полицейлер моторлы қайыққа назар аударды. Оның қасында кемеден белгілі бір жүкті көтеріп келе жатқан бір адам болды. Ол күдік туғызғандықтан, полицейлер бұл азаматты ұстады. Күдікті 57 жастағы қала тұрғыны болып шықты. Қайықты тексеру барысында 107 келі жаңа ауланған түрлі тұқымды балық табылып, 37 келі көксерке, 8 келі бөртпе, 5 келі қаракөк, 57 келі берш алынды. Полицейлер ұзындығы 600 метрлік торды да тәркіледі.
Анықталғандай, браконьер түнде шығанақта тор құрып, таңертең қайықпен балықты түгел жинап алған. Осылайша, ауланған балықты сатуды жоспарлаған.
Аталған факті бойынша ҚР Қылмыстық кодексінің 335-бабы (Балық ресурстарын, басқа да су жануарларын немесе өсiмдiктерін заңсыз алу) бойынша қылмыстық іс қозғалды. Қазір тергеу амалдары жүргізілуде.
