Қарағанды облысында алаяқ әйел 14 ауыл тұрғынының атынан несие рәсімдеп алған, – деп хабарлайды Polisia.kz.
7 ақпан күні Жаңаарқа ауданының полиция бөліміне 61 жастағы ауыл тұрғыны жүгінген. Белгісіз біреу оған банктердің бірінде 500 мың теңге көлемінде тауарлық несие рәсімдеген. Егер олар банктен қоңырау шалып, пайда болған қарызды жабуды сұрамаса, ол “сатып алу” туралы ешқашан білмеген еді. Жаңалыққа таң қалған тұрғынға менеджер 2021 жылдың қарашасында несие алғанын түсіндірді. Аталған несиеден өсімпұл да өскен.
Мамыр айының ортасында атқарылған жұмыстармен ауданның криминалдық полиция қызметкерлері Жаңаарқа ауданының 28 жастағы тұрғынын анықтады. Жұмыссыз әйел өзіне табыс көзін тапқан. Оның құрбаны болған тағы 13 ауыл тұрғындарына 15 млн теңгеге жуық несие рәсімдеген.
13 ақпанда Қарағанды қаласының ПБ Оңтүстік-Шығыс полиция бөліміне 34 жастағы Саран қаласының тұрғыны арызданған. 5 ақпанда ер адам жарнамадан ойын приставкасын жөндеушіні тапқан. Телефон соғып, жөндеуге кететін бағамен келісіп, кездесуге келісті. Сол күні ол өзінің екі ойын приставкасын жөндеушіге тапсырды. Бір апта ішінде жөндеуші қоңырауларға жауап бермеді, ол мекенжайда тұрмайтыны белгілі болған. Келтірілген шығын – 70 мың теңге. Мамыр айының ортасында Оңтүстік-Шығыс ПБ криминалдық полиция қызметкерлері 32 жастағы қала тұрғынын анықтап, ұстады. Күдіктінің приставканы жөндемек ойы да болмаған екен. Ол бірден X box One S құрылғысын бөлшектеп, бөлшек қабылдайтын орынға сатқан.
30 наурызда орталық полиция бөліміне 45 жастағы елорда тұрғыны арызданған. 2019 жылдың маусым айында астаналық кәсіпкер Қарағанды көмір кенішінің иесімен көмір сатып алу бойынша “пайдалы” келісімшартқа қол қойған. Сенімді болу үшін келісімшартқа нотариус кепілдік берді.
Қарағанды тұрғыны 100 вагон көмір жеткізуі керек еді, бұл үшін оның есепшотына 40 млн теңге аударылған. Содан міне, үш жылға жуық уақыт өтсе де, кәсіпкер тауарды алмаған. Жедел-іздестіру шаралары барысында орталық полиция бөлімінің қызметкерлері 44 жастағы “көмір шахтасының иесін” анықтап, ұстады. “Кәсіпкерлерге” қатысты Қазақстан Республикасы ҚК-нің 190-бабы (Алаяқтық) бойынша сотқа дейінгі тергеу амалдары жүргізілуде.
