Қарағанды облысында ауыл тұрғыны дүкен сатушысын тонап кетті, – деп хабарлайды Polisia.kz.
18 тамызда сағат 10.00 шамасында Қарағанды облысының Осакаров ауданының полиция бөліміне Осакаровка кентінің дүкендерінің бірінде тонау болғандығы туралы хабарлама келіп түсті. Оқиға орнына жедел-тергеу тобы келді.
Сауда дүкенінің иесі – 67 жастағы әйел жұмыс орнында болған кезде, кезекті сатып алушы келгендігін түсіндірді. Бұл 35-40 жастағы ер адам еді. Ол бір банка сыра мен бір қорап темекі сұраған. Жәбірленуші сатып алушыға тауарды ұсынып, кассалық аппаратта 2 150 теңгеге чекті шығарған. Ер адам төлемнің орнына күтпеген жерден дүкеннен шығып, белгісіз бағытқа қашып кеткен.
Әйел адам қаскөйдің сыртқы сипатын сипаттады. Сондай-ақ, полицияға сауда алаңында орнатылған бейнебақылау камерасы көмек болды. Олар қаскөйдің барлық әрекеттерін жазған жазбаны қарады.
Жедел-іздестіру іс-шаралары барысында жедел-тергеу тобының қызметкерлері “ізін суытпай” күдікті ретінде – 37 жастағы ер адамды ұстады. Ол ауылға досына келгенін түсіндіріп, мойындау көрсетпелерін берді. Достар кездесуді атап өткен. Таңертең барлық ақшаны жұмсаған қаскөй бірінші сауда орны сатушысының қызметтерін тегін пайдалануға шешім қабылдаған. Ол өзінің жергілікті тұрғын емес және оны ешкім танымайды деп ойлап, жазасыздыққа сенген.
Аталған фактіге қатысты ҚР ҚК 191-бабы “Тонау” бойынша қылмыстық іс қозғалды. Тергеу амалдары жүргізілуде.
