Ақпараттық медиа-портал POLISIA.KZ

Қарағандылық полицейлер нашақорлықтың алдын алу бойынша акция өткізді 

Қарағандылық полицейлер нашақорлықтың алдын алу бойынша акция өткізді, – деп хабарлайды Polisia.kz.

Қарағандының Орталық мәдениет және демалыс саябағында “Дені сау ұлт – дені сау ұрпақ!” атты есірткі заттарын теріс пайдалану және олардың заңсыз айналымына қарсы Халықаралық күрес күніне арналған акция өтті. Іс-шара Қарағанды облысының ПД Есірткі қылмыстарына қарсы іс-қимыл басқармасы, “Үміт” ҚБ үкіметтік емес ұйымы, Дене шынықтыру және спорт басқармасы, Қарағанды облысының Денсаулық сақтау департаменті, Қарағанды қаласының әкімдігі мен мәслихатының қолдауымен ұйымдастырды.

Іс-шараға Қарағандының шығармашылық ұжымдары, спорт мектептерінің тәрбиеленушілері қатысты. Сондай-ақ, кинологиялық қызмет орталығы мен Қарағанды облысының ПД Жылдам қимылдайтын арнайы жасағы қызметкерлерінің көрсетілімдері өтті.

Сонымен қатар, акция барысында түрлі конкурстар мен викториналар, спорттық жарыстар және “Персона” фитнес-орталығынан “бачата” биінің мастер-классы ұйымдастырылды. Қаланың ең белсенді азаматтары мен қонақтары сыйлықтар мен сыйлық сертификаттарымен марапатталды.

Мұндай іс-шаралардың негізгі мақсаты – нашақорлық пен есірткі қылмысының алдын алу, халықтың есірткіні тұтынудың зияны және есірткі қылмыстарын жасағаны үшін жауапкершілік туралы хабардар болуын арттыру, сондай-ақ салауатты өмір салтын белсенді насихаттау.

Сондай-ақ оқыңыздар

Жауап қалдыру