Тұрмыстық зорлық-зомбылықтың алдын алу және жолын кесу бойынша қабылданып жатқан шаралар туралы халықты ақпараттандыру, олардың полиция органдарына сенімін арттыру, қоғамда отбасының рөлін нығайту мақсатында 2020 жылдың 13-15 қарашасы аралығында Қарағанды қаласының Оңтүстік-шығыс ПБ аумағында “Отбасындағы зорлық-зомбылыққа жол жоқ!” республикалық акциясы өткізілуде, – деп хабарлайды Polisia.kz.
Іс-шара мүдделі мемлекеттік органдардың, үкіметтік емес ұйымдардың, білім беру бөлімінің, денсаулық сақтау ұйымдары өкілдерінің қатысуымен өткізілуде.
Оңтүстік-шығыс ПБ аумағында азаматтардың, жастардың жаппай жиналатын орындарында, саябақтарда, сауда үйлерінде “Отбасындағы зорлық-зомбылыққа жол жоқ!” тақырыбындағы билбордтар мен плакаттар орналастырылды, сонымен қатар жадынамалар мен буклеттер таратылды.
Оңтүстік-шығыс ПБ аумағында орналасқан оқу орындарында “Зорлық-зомбылықсыз отбасы” тақырыбында ұстаздардың қатысуымен дөңгелек үстелдер, оқушылар мен олардың ата-аналары арасында дәрістер өткізілді.
