“Қауіпсіз жол” ЖААШ барысында ШҚО полицейлері 37 мыңнан астам құқық бұзушылық анықтады, – деп хабарлайды Polisia.kz.
Шығыс Қазақстан облысы аумағында 2021 жылдың 17 мамырынан 16 маусымы аралығында “Қауіпсіз жол” республикалық профилактикалық іс-шара өткізілді.
Полиция қызметкерлері жол жүрісі қағидаларын бұзушылықтардың, оның ішінде көлік құралын масаң күйде басқару, сондай-ақ басып озу қағидаларын, жылдамдық режимін бұзушылықтың, маневр жасау, жол қиылыстары мен жаяу жүргіншілер өтпесінен өту қағидаларын бұзушылықтардың профилактикасы және олардың жолын кесу бойынша жұмыстар жүргізді.
ЖПІШ өткізу кезеңінде 37 мыңнан астам әкімшілік құқық бұзушылық анықталды, оның ішінде 9мыңға жуық жаяу жүргіншілердің жол жүрісі қағидаларын бұзушылығы және жаяу жүргіншілер өтпесінен өту қағидаларын бұзушылықтар, сондай-ақ 212 масаң күйде көлік басқару фактісі, 141 қозғалыстың қарама-қарсы жолағына шығып кету фактісі.
900-ден астам көлік құралын пайдалауға тыйым салынды, 400 мемлекеттік тіркеу нөмірі алынды.
Шығыс Қазақстан облысының Полиция департаменті барлық жол қозғалысы қатысушыларын Жол жүрісі қағидаларын қатаң сақтау, жолда абай болу және бұзушылықтарға жол бермеу туралы ескертеді.
