Жыл басынан бері Қостанай облысына Армения Республикасынан әкелінген 763 көлік құралының 552 тіркелген, – деп хабарлайды Polisia.kz.
Тіркелген автокөліктердің ішінде 387 көлік құралының VIN-коды 17 таңбалы, қалған 165 көліктің VIN-коды 17 таңбадан кем болып табылады.
Биылғы жылдың 19 тамызынан бастап облыс аумағында аккредиттелген “Ұлттық сараптама және сертификаттау орталығы” VIN-коды 17 символдан кем және рөлін ауыстыру жолымен қайта жабдықталған көлік құралдарын тіркеу үшін қауіпсіздік хаттамаларын беру бойынша жұмысты бастады. Көрсетілген қызмет түрі Қостанай қаласы Карбышев көшесі, 46 мекенжайында жүзеге асырылады.
