Қостанай облысы ПД ЖПҚБ қызметкерлері Рудный балалар үйіне барды. Онда 107 бала тәрбиеленеді. Оларға сыйлықтар мен тәттілер тарту етіп, осылайша тәрбиеленушілерді балаларды қорғау күнімен құттықтады, – деп хабарлайды Polisia.kz.
Полицейлер балаларға барынша көңіл бөліп, түрлі ойындар ойнап, жарыстар өткізіп, бірге қызықты уақыт өткізді. Балаларға мерекелік атмосфераны қолдайтын аниматорлар шақырылды.
– Біз мұндай науқанды жыл сайын өткіземіз және осы мекемедегі барлық іс-шараларда тұрақты қонақтар болып табыламыз. Осылайша біз ата-анасының қамқорлығынсыз қалған балаларды қолдағымыз келеді. Өйткені балаларға кез келген жаста көңіл бөлу мен қамқорлық маңызды, – деп атап өтті Қостанай облысы ПД ЖПҚБ ЮПБ аға инспекторы Индира Нуруева.
Балалар тәртіп сақшылары ұйымдастырған мерекеге риза болып, оларға алғыс ретінде өлең оқып, ән шырқады.
Бұнымен полицейлердің өңірдегі іс-шаралары аяқталмайды. 3 маусым күні Қостанай облысының ПД-да жыл сайынғы ашық есік күні өтеді. Онда балалар мен олардың ата-аналары полицейлердің, қызметтік иттердің жұмысын көре алады, сондай-ақ қызметтік қаруды ұстап, арнайы техниканың рөліне отыру мүмкіндігіне ие.
