ҚР ІІМ Мемлекет Басшысының Жолдауын іске асыруға кірісті, – деп хабарлайды Polisia.kz.
Ішкі істер министрі Ерлан Тұрғымбаев ведомствоның құрылымдық және аумақтық бөлімшелерінің басшыларымен бейнеконференцбайланыс режимінде жедел кеңес өткізді, онда Президент Қасым-Жомарт Тоқаевтың Қазақстан халқына Жолдауын сапалы және уақтылы іске асыру үшін бірқатар міндеттерді белгіледі.
Кеңесте Мемлекет Басшысы Жолдауда елдегі тұрақтылықты, азаматтардың тыныштығы мен қауіпсіздігін, олардың құқықтары мен заңды мүдделерін қамтамасыз етуге ерекше назар аударып, бірқатар нақты тапсырмалар бергені атап өтілді.
Министрліктің ерекше бақылауында – балаларға қарсы жыныстық қылмыстардың алдын алу және жолын кесу. Соңғы жылдары педофилдердің полицияның бақылауында болу шарттары едәуір күшейтілді: олар жазасын қауіпсіздігі жоғары түзеу мекемелерінде өтеп жатыр. Сонымен қатар, тараптарды татуластыруға, шартты түрде соттауға, жазаны неғұрлым жұмсақ түрге ауыстыруға, сондай-ақ шартты түрде мерзімінен бұрын босатуға тыйым салынды.
Қызметтер мен бөлімшелердің басшыларына министр кәмелетке толмағандардың жыныстық тиіспеушілігіне қарсы қылмыстарға қарсы іс-қимылдың қосымша шараларын белгіледі. Атап айтқанда, бұлар – әкімшілік қадағалауды күшейту және жазасын өтеген педофилдерге қатысты электрондық бақылау құралдарын қолдану.
Интернет-технологиялар саласындағы қылмыстардың алдын алу және жолын кесу мәселесі жеке қарастырылды, олардың өсуіне әлемде короновирус пандемиясы және қашықтықтан сатып алудың таралуы ықпал еткені айтылды.
ІІМ прокуратура органдарымен бірлесіп алаяқтықтың, оның ішінде ақпараттық-телекоммуникациялық ресурстарды пайдалана отырып жасалатын алаяқтықтың алдын алу және ашу бойынша қосымша шаралар әзірлеп, іске асырылатыны атап өтілді.
Осыған байланысты ІІМ киберқылмыспен күрес орталығының құрылымында осы қылмыстарды ашумен ғана айналысатын арнайы топтар жұмыс істейді. Мұнда полиция Ұлттық банкпен және екінші деңгейлі банктермен тығыз қарым-қатынас жасайды.
Қасым-Жомарт Тоқаев Жолдауында есірткінің, оның ішінде синтетикалық есірткінің таралуына байланысты болашақ ұрпақтың әл-ауқатына қауіп төнгенін атап өтті. Осыған байланысты ІІМ есірткі қылмысына қарсы күрес бойынша белсенді жұмыс жүргізуде.
Осылайша, синтетикалық есірткілерді бақылауға енгізу тетігі жеңілдетілді, олардың заңсыз жарнамасы мен интернет арқылы таратылуы үшін жауапкершілік күшейтілді, “электрондық әмияндарды” анонимді пайдаланушылар арасында ақша аударуға тыйым салатын түзетулер енгізілді.
Сонымен қатар, министр есірткінің таралуына, әсіресе жастар арасында таралуына күшті тосқауыл қою үшін министрлікті басқа органдармен сапалы және толық үйлестірудің маңыздылығын, сондай-ақ олардың заңсыз айналымы үшін жауапкершілікті қатаңдату қажеттігін атап өтті.
Қызметтер мен бөлімшелер басшыларының азаматтардың заңды құқықтары мен мүдделерін іске асыру үшін құқық саласындағы процестерді автоматтандырудың маңыздылығына ерекше назар аударылды.
Жедел кеңесте атап өтілгендей, азаматтардың қауіпсіздігін қамтамасыз ету және мемлекеттік қызметтерді алу рәсімдерін жеңілдету бойынша полиция қызметінің тиімділігін арттыру үшін цифрландыру жобаларын жедел іске асыруды қамтамасыз ету қажет. Бүгінде мемлекеттік қызметтердің 95 %-ы электронды форматта ұсынылады, нәтижесінде халықпен тікелей байланыс барынша азайтылып, әкімшілік және сыбайлас жемқорлық тәуекелдері жойылады.
Бұдан басқа, әкімшілік және сотқа дейінгі іс жүргізу электрондық форматқа ауыстырылады. Азаматтардың заңды құқықтары мен мүдделерін толық және тиімді іске асыру үшін қылмыстық процестің үш буынды моделіне көшу мәселесі ерекше бақылауда тұр.
Адам құқықтарын қорғау, оның ішінде қылмыстық-атқару жүйесі мекемелерінде жұмыс ІІМ-нің тұрақты бақылауында екені атап өтілді. Сотталғандардың құқықтық жағдайы жақсаруда, олардың әлеуметтік бейімделуі үшін жағдайлар жақсаруда, медициналық қызмет көрсету азаматтық денсаулық сақтау органдарына берілді.
Министр кеңес барысында мемлекеттік органдар қызметінің тиімділігін бағалаудың негізгі критерийі – бұл, ең алдымен, азаматтардың сенімі екенін ерекше атап өтті. Сондықтан ішкі істер органдарындағы сыбайлас жемқорлық, тәртіп пен заңдылықты бұзу фактілерін жою бойынша қажетті шараларды қабылдау басты міндеттердің бірі болып табылады.
Қазір жүргізіліп жатқан реформалар шеңберінде негізгі міндеттердің бірі қазақстандық полицейдің жаңа бейнесін қалыптастыру болып табылады. Көп жағдайда оны жүзеге асыру ведомстволық оқу орындарының нәтижелеріне байланысты.
Осыған байланысты ведомство білім беру процесінің сапасына және кәсіби кадрларды даярлауға назар аударады. Бұл фактор қазақстандық полицейдің жаңа келбетін қалыптастыруда шешуші рөл атқарады.
– Қазіргі уақытта Үкімет Жолдауды іске асыру жоспарын әзірлеуде. Көрсетілген тапсырмалардың мүлтіксіз орындалуын қамтамасыз ету қажет. Алдымызға қойылған міндеттердің маңыздылығын тағы да атап өткім келеді, – деп Ерлан Тұрғымбаев Президент Жолдауын жеке құрамға түсіндіру бойынша жұмыс жүргізуді және іс-шараларды дереу іске асыруға кірісуді тапсырды.
