ШҚО-да ҚАЖ қызметкерлері Халықаралық Отбасы күнінде жетім балалар мен қарттарға барды, – деп хабарлайды Polisia.kz.
Халықаралық Отбасы күнінде біздің қызметкерлер жыл сайын отбасылық түрлі жарыстар, ойындар мен викториналар өткізетін. Алайда, биыл екінші жыл пандемияға байланысты барлық іс-шаралар тоқтатылды.
Биыл колония қызметкерлері Халықаралық Отбасы күнінде жетім балалар мен қарттар үйіне түрлі сыйлықтармен барды.
– Бұл күні біз қарттар үйіндегі қарттарымыз бен жетім балаларға ерекше назар аударғымыз келді. Оларға көптеген сыйлықтар мен тәттілер алып, құттықтадық. Біздің ұжым бұл дәстүрді алдағы уақытта да жалғастыратын болады, – деді Болат Майзақов.
Келесі жылы қызметкерлер жетім балаларға арнап спорттық іс-шаралар, ойындар мен түрлі викториналар ұйымдастыруды жоспарлап отыр.
