ШҚО полицейлері балаларға арналған мереке ұйымдастырды, – деп хабарлайды Polisia.kz.
ШҚО ПД-да 500-ден астам ұлдар мен қыздар арнайы техниканы, полицияның қару-жарағы мен қорғаныс құралдарын, арнайы бөлімшелердің көрме қойылымдарын және тағы басқа да қызықтарды көре алды.
Облыстық полиция ведомствосының шеру алаңында аниматорлар, ойын снарядтары, мерекелік сахна, шарлар, аттракциондар, тәтті тағамдары бар шатырлар, тіпті кинологиялық қызмет орталығының иттері балаларға мерекелік көңіл-күй сыйлады.
ШҚО ПД бастығы Ерлан Омарбеков іс-шараға жиналғандарды құттықтады.
– Сүйкімді балақайлар, сіздерді Балаларды қорғау күнімен құттықтаймын! Сіздерге керемет көңіл-күй, мықты денсаулық, және мол бақыт тілеймін. Жүздеріңізден күлкі кетпесін, айналаңыз махаббат пен жылулық толы болсын!, – деді облыстың бас полицейі.
Бас полицей «Біздің полиция» тақырыбындағы облыстық шығармашылық суреттер мен шығармалар байқауының жеңімпаздарына дипломдар мен сыйлықтар табыс етті.
ШҚО ПД бастығы қызметтік міндеттерін орындау кезінде қаза тапқан қызметкерлердің балаларын да назардан тыс қалдырмады, оларға естелік сыйлықтар сыйлады.
Сондай-ақ, полиция департаментінің атынан «Үміт» балалар үйінің тәрбиеленушілері де атап өтілді, оларға осы тамаша мерекеде мектеп керек-жарақтары бар 50 рюкзак табысталды.
«Динамо» ДСҚ төрағасының бірінші орынбасары Ерлан Жұмаділов құттықтау сөз сөйлеп, балаларға зор денсаулық, бақ-береке, табыс және алдағы жазғы демалыстарын тамаша өткізуді тіледі.
Тәртіп сақшылары жас қонақтардың назарына полицейлердің қару-жарақтарын, арнайы қорғаныс құралдарын ұсынды, бұл балалардың үлкен қызығушылығын тудырды. Балаларда көптеген сұрақтар болды, олар бәріне қызығушылық танытты.
Балалардың қолында атыс қаруы ересектерге қарағанда одан да қорқынышты болып көрінді. Себебі тіпті бір мергендік мылтықтың өлшемімен баланың бойымен салыстыруға болады. Бірақ үлкендігіне қарамастан, балалар мүмкіндікті жіберіп алмауға тырысып, полицейлер көрсеткеннің бәрін қолданып көрді.
Әрі қарай, қызметкерлердің мұқият бақылауымен балалар құқық қорғау органдарының жауынгерлік машиналарының қалай жұмыс істейтінін, сирена мен динамиктің қай жерде қосылатынын мұқият көре алды.
Іс-шарада жылдам қимылдайтын арнайы жасағының жауынгерлері сөз сөйледі. Олар өздерінің қылмыспен күресудегі рөлі және олар үшін әрқашан «формада» болу қаншалықты маңызды екендігі туралы айтты, әрі қарай өз ісінің нағыз шеберлері күнделікті қызметінде қолданатын дағдыларын көрсетті.
Қылмыскерді атыс қаруымен және суық қарумен залалсыздандыру әдістері автоматизмге дейін жетілдірілген, өйткені кез-келген әрекет қателікке алып келіп соғуы мүмкін. Жас қонақтардың көзқарасы бойынша, жауынгерлердің өнерлеріне тәнті болды.
Полиция департаменті қызметкерлері керемет мерекелік бағдарлама дайындады: аниматорлар, тик-ток пати, сабын көпіршіктері шоуы, бет бояуы, интерактивті батлдар мен челлендждер, тіпті атпен және понимен серуендеу болды. Мұндай мереке балаларға ғана емес, олардың ата-аналарына да ұнады.
– Бұл жағымды және жарқын эмоцияларға толы тамаша мереке болды. Балаларымызға осындай мереке сыйлағаны үшін полицейлерге рақмет!, – деп атап өтті мереке қонағы 4 жасар Мединаның анасы.
Мереке соңыңда ересектер мен балаларға арналған супердискотека болды. Онда барлық қатысушылар балалық шақтан таныс сүйікті мультфильмдер әндері мен заманауи күндердің хит әуендеріне биледі.
