Алаяқтардың кесірінен 10-нан астам ақмолалық тұрғын зардап шекті, – деп хабарлайды Polisia.kz.
Ақмола полицейлері алаяқтықтың жаңа түрі туралы ескертеді. Онда алаяқтар сатып алушыларды өзекті тауарларға төмен бағамен қызықтырады. Алаяқтар хабарландыруларды әлеуметтік желілерде және мессенджерлерде орналастырады.
Осылайша, Целиноград полиция бөліміне екі жергілікті тұрғын өтініш білдірді. WhatsApp мессенджерінде таныстарының ұсынысы бойынша жәбірленушілер “Тапсырысқа арналған тауар” тобына қосылған, онда әкімші тауарларды шетелден едәуір төмендетілген бағамен жеткізу сылтауымен оларға тиесілі қаражатты бір жағдайда 20 мың теңге сомасында, екіншісінде 72 мың теңге мөлшерінде иемденді. Қазіргі уақытта 10-нан астам зардап шеккендер белгілі.
Тергеу-жедел іс-шаралар барысында аудандық полиция бөлімінің қызметкерлері алаяқтық үшін бұрын қылмыстық жауапкершілікке тартылған адамды анықтады, оның қатысы тексеріледі. Тергеу әрекеттері жүргізіліп жатыр.
4 маусым күні Көкшетау қаласының полиция басқармасына арыз берген елорда тұрғыны алаяқтардың құрбаны болды. Ер адам 2021 жылдың тамызында бұрынғы танысының автокөлікті бірлесіп сатып алу сылтауымен өзіне тиесілі 300 мың теңге қаражатты алаяқтық жолмен иемденгенін хабарлады.
Барлық деректер бойынша полиция департаментінде ҚР ҚК-нің 190-бабы (Алаяқтық) бойынша сотқа дейінгі тергеп-тексеру басталды.
Тәртіп сақшылары төмен бағамен пайда мен тайып кететін тауарға ұмтылу кезінде сатып алушылар өздерінің қауіпсіздігін ұмытып кететінін атап өтті. Полиция мұқият болуды және тек сенімді адал сатушылардан сатып алуды ұсынады.
