Шығыс Қазақстан облысында төрт шетелдік елден шығарылды, – деп хабарлайды Polisia.kz.
Қазақстанда болатын шетелдіктерге тиісті көші-қон бақылауын қамтамасыз ету мақсатында тәртіп сақшылары тұрақты негізде уақытша және тұрақты тұратын шетелдік қонақтардың тіркеу мекенжайларын, сондай-ақ қабылдаушы тұлғаларда шетелдіктердің болуы туралы хабарламалардың болуын тексереді.
21 сәуірде көші-қон қызметінің қызметкерлері Алтай қаласында жеке үй құрылысында заңсыз еңбек еткен Өзбекстан Республикасының төрт азаматын анықтады. Қазіргі уақытта сот шешімімен олар Қазақстан Республикасынан шығарылды, сонымен қатар қолданыстағы заңнамаға сәйкес Қазақстан аумағына кіру олар үшін 5 жылға жабық.
– Жұмыс берушінің өзі әкімшілік кодекстің екі бабы бойынша жауапкершілікке тартылды, бұл – шетелдік жұмыс күшін заңсыз тарту және шетелдіктердің болуы туралы хабарламау, ер адам 30 АЕК көлемінде айыппұл төлейді, – деп атап өтті ШҚО ПД бастығының бірінші орынбасары Елдос Закимов.
Көші-қон қызметі уәкілетті органның рұқсаты болмаған жағдайда Қазақстан Республикасына уақытша келген шетелдік азаматтардың еңбек қызметіне тыйым салынғанын ескертеді.
